الأربعاء, 21 كانون1/ديسمبر 2011
ما رأيكم في استراحة لمدة يومين مع كلمة وزير الثقافة في عهد مايو الأستاذ عمر الحاج موسى «طبعاً نسيت رتبته العسكرية متعمداً» إذ غلب عليه الأدب وجزالة اللغة وامتاز بأسلوب فريد. الكلمة أدناه كانت بمناسبة افتتاح تلفزيون الجزيرة 1972م. وكانت وقتها حديث المجتمع وتبارى الناس في حفظها والاقتباس منها ومجاراتها.
إلى الجزء الأول من نص كلمة وزير الثقافة:
الإخوة الزملاء... السيدات والسادة... من مدني حسناء الجزيرة وغادتها أحييكم، من مدني الـسُّـنـِّي الراقـدة على شاطئ النيل الأزرق مستحمة من مائه... مستجمة على رماله... مستدفـئة بحبابه... مستـكـنة في رحابه... متوسـدة تربه وترابه... حرفه وجرفه... منها... من مدني أحييكم ويحييكم معي المشاهدون لحفلنا الحافـل الحفيل هذا ... إخوانكم وبناتكم وعمّاتكم وبنات عمّاتكم أراهم هناك صامتين مطرقين حامدين شاكرين... هناك بدءاً بحنتوب التي تجلس بجانب مدني كالهمزة على سطرها وصدرها... جنوبـاً إلى سنار فكوستي... ثم شمالاً لتحتضن المنطقة الرابضة بين ذراعي النيل الخالد... أبيضه وأزرقه... هي الجزيرة... هي المنطقة التي كان وسيظل لها دور الريادة والزيادة.
أنجَـبـتْ وما بَـرحَـتْ... أعـطـَتْ وما انـفـَكَّـتْ... جَـادتْ ومافـَتِـئـتْ.
أنجبت وما برحت السُّـراي أهل التـُّـقـَّـابـة والمسيد... محمد ودمدني... دشين قاضي العدالة... الشيخ الجنيد... الشيخ أبو وداعة... الشيخ الضرير... الشيخ حلاوي... الشيخ عمر ... الشيخ أبو قرون... الشيخ أبو شيبة... الجمري... بطران ... شـُمُّـو... القدال... عبد الباقي... عوض السيد... عوض الجـِـيـد... عوج الدرب... المسَـلـَّمي... الكـِشـِّيـف... المشمر... تمساح التـُّرُك... ودعيسى... ود كـنـَّـان... ود مضوي... ود نفيع... ود الترابي... ود الشافعي... ود بُساطي... ود ضيف الله... ود عويضة... ود خمجان... ود نور الدايم ... ود التـِّكِـيـنـة... فرح ود تكتوك... دفع الله ود أب إدريس... عبد الله ود أم مريوم... برير ود الحسين... هجو ود البتول ... قرشي ود الزين... المسَـلـَّمي ود أب ونيسة... الشاذلية ... السمانية... القادرية... الهندية... الأنصار... شيوخ الدباسين... اليعقوباب... الحسانية... الركابية... الحلاوين ... العركيين... المسلمية... والأعتذار لمن فاتني ذكرهم فهو العالِم بعدتهم.
أعطت وما انفكت الشعراء والأدباء... الهادي أحمد يوسف ... أبو عركي ... ثنائي الجزيرة... الكاشف... أحمد الطيب ... حسين الزهراء... الـمـَسـَّـاح... محجوب عثمان... الخير عثمان... محمد الأمين... عوض الجاك... البنـَّا... أحمد يوسف نعمة... البوشي...أحمد طه الفكي... أحمد علي طه ... جقود... إبراهيم عمر الأمين... رمضان زائد... رمضان حسن... حِمِّيدة أبو عُشر... عمر محمد سمباي... توفيق البكري... عمران... الطيب بابكر...عشامة... محمد مسكين ... محمد الأمين القرشي... حسن عبد اللطيف... محمد عثمان عبد الرحيم... حامد العربي... إبراهيم مدني... بابكر صديق... بابكر بدري... أحمد سالم... عبد الحليم علي طه والشريفة بت بلال.
ومن شعراء النومسوه: أبو كساوي... ود تميم... القـلـَّـع... ود عبد الملك... الشيخ حياتي وود سعد.
غداً بإذن الله نكمل الكلمة.
ليست هناك تعليقات:
إرسال تعليق